კვირას, 8 ნოემბერს ციფრული ვალუტების ბაზარი ოდნავ შემცირდა.
უნდა აღინიშნოს, რომ კვირის შუა პერიოდში ბიტკოინის კურსი ზრდას აჩვენებდა. ჯერ კიდევ 6 ნოემბერს კრიპტოვალუტის ფასმა მკვეთრად მოიმატა. ანალიტიკოსების პროგნოზი გამართლდა და ბიტკოინის ფასი 14.000 დოლარის ნიშნულს მნიშვნელოვნად ასცდა.
უკვე შაბათ-კვირას ციფრული ვალუტის ფასი 15.000 დოლარის ფარგლებში მერყეობდა. თუმცა კვირას, დღის ბოლოს, ბიტკოინის კურსი დაახლოებით 2.17%-ით იყო შემცირებული.
კრიპტოვალუტის ფასი კი 15.170 დოლარს შეადგენდა.
ბაზარზე ბიტკოინის დომინირების მაჩვენებელი კი 64.2% იყო.
რაც შეეხება ეთერიუმს: გუშინ, ალტკოინის ღირებულება ასევე შემცირდა. ეთერიუმის კურსი 443 დოლარის ფარგლებში მერყეობდა. უნდა აღინიშნოს, რომ დღის განმავლობაში კრიპტოვალუტის კურსი 3.91%-ით შემცირდა.
თუმცა პოზიტიური ნიშანია, რომ ეთერიუმის ფასი კვლავ 400 დოლარის ფარგლებში მერყეობს.
შეგახსენებთ რომ, CoinMarketCap-ის მონაცემების თანახმად, 8 ნოემბერს, საღამოს კრიპტოვალუტების მთლიანი საბაზრო კაპიტალიზაცია დაახლოებით 438.1 მილიარდ დოლარს შეადგენდა.
