ევროპული კრიპტო კომპანია Bitpanda 170 მილიონი დოლარის შეგროვებაზე მუშაობს.
ავსტრიაში დაფუძნებულმა კრიპტოვალუტის კომპანია Bitpanda-მ დახურა 170 მილიონი დოლარის დაფინანსების რაუნდი. ფინანსების მოძიების მიზანი საერთაშორისო ზრდის გაძლიერებაა.
B სერიის დაფინანსების ბოლო რაუნდს უძღვებოდა Valar Ventures-ის კომპანია, რომელსაც მხარს უჭერს PayPal–ის თანადამფუძნებელი, პიტერ თიელი.
ბოლო რაუნდში ასევე მონაწილეობდნენ იური მილნერის საინვესტიციო ფირმის DST Global–ის პარტნიორები, რომელიც ცნობილია, როგორც „ინვესტორთა გაერთიანება“.
მიუხედავად იმისა, რომ DST არის ახალი ინვესტორი Bitpanda–ში, Valar Ventures-ი ადრე ხელმძღვანელობდა 52 მილიონი აშშ დოლარის დაფინანსების სერიას 2020 წლის სექტემბერში.
ახალი დაფინანსებით, Bitpanda ცდილობს კიდევ უფრო გააფართოოს თავისი მომსახურებები ევროპაში და გეგმავს შექმნას ტექნიკური ჰაბები და ოფისები მადრიდში, ბარსელონაში, ლონდონში, პარიზსა და ბერლინში.
”ახლა საქმე ეხება საერთაშორისო მასშტაბით ზრდას, არსებული პროდუქტებისა და მომსახურებების დამატებას, ასევე აუდიტორიისთვის ახალი ფინანსური გადაწყვეტილებების წარდგენას“,- განაცხადა Bitpanda-ს აღმასრულებელმა დირექტორმა და თანადამფუძნებელმა, ერიკ დემუთმა.
