რამდენიმე დღიანი ზრდის შემდეგ, პარასკევს, 11 მარტს, ციფრული ვალუტის ბაზარი შემცირდა. თუმცა კურსის შემცირება 10 მარტის საღამოდან დაიწყო. გუშინ ბიტკოინზე ვაჭრობა 39,437 დოლარზე დაიხურა.
დღეს ბიტკოინის ფასი დაახლოებით 2%-იან კლებას განიცდის. კრიპტოვალუტის კურსი 38,740 დოლარის ფარგლებში მოძრაობს. უნდა აღინიშნოს, რომ ბიტკოინის კურსმა ამ თვეში ყველაზე მაღალი ნიშნული 2 მარტს აჩვენა. რა დროსაც ფასი 45,077 დოლარზე დაფიქსირდა.
ამის შემდეგ კრიპტოვალუტის კურსი შემცირდა. ყველაზე დაბალი დონე კი 7 მარტს დაფიქსირდა. ამ დღეს ბიტკოინის ფასი 37,260 დოლარს შეადგენდა.
ამ ეტაპზე ბიტკოინის საბაზრო წილი 42,5%, ხოლო ეთერიუმის – 17.7%-ია.
რაც შეეხება კაპიტალიზაციით რიგით მეორე კრიპტოვალუტას: ბოლო 24 საათის განმავლობაში ეთერიუმის კურსი 1.04%-ით შემცირდა. ალტკოინის ღირებულება კი 2,566 დოლარის ფარგლებში მერყეობს.
შეგახსენებთ, რომ CoinMarketCap-ის მონაცემების თანახმად, 11 მარტს კრიპტოვალუტების მთლიანი საბაზრო კაპიტალიზაცია დაახლოებით ტრილიონ 732 მილიარდ დოლარს შეადგენდა.
