მედიის მიერ გავრცელებული ინფორმაციის თანახმად, ალექსანდრე ვინიკი ექსტრადირებულია ამერიკაში, რათა კრიპტოვალუტის გამოყენებით ფულის გათეთრების საქმეში ოფიციალურად ბრალი წაეყენოს.
როგორც ცნობილია, ვინიკი ბოლო ხუთი წლის განმავლობაში საკუთარი უდანაშაულობის დასამტკიცებლად სხვადასხვა სასამართლოში იბრძვის.
ბრალდებებიდან ცნობილი ხდება, რომ ვინიკის კრიპტოვალუტის ბირჟამ ისარგებლა საქმიანობით და ამ დროის განმავლობაში 4 მილიარდ დოლარამდე უკანონოდ მოპოვებული ფული გაათეთრა.
ვინიკის ადვოკატმა ფრედერიკ ბელოტმა ამერიკულ მედიას განუცხადა, რომ ვინიკი საბერძნეთიდან შეერთებულ შტატებში ტრანზიტით იმყოფებოდა, სადაც მას კალიფორნიის სასამართლოში ბრალდებები წაუყენეს. რუსეთის მოქალაქეს სხვა ბრალდებების გარდა, ფულის გათეთრებასა და ამერიკაში არალიცენზირებული ფულის სერვისის ოპერირებაში ედება ბრალი.
ბრალდებული 2020 წლის დეკემბრიდან უკვე იხდიდა ხუთწლიან სასჯელს საფრანგეთში, მას შემდეგ რაც ორგანიზებული დანაშაულებრივი ჯგუფის შემადგენლობაში ფულის გათეთრებისთვის გაასამართლეს.
შეგახსენებთ, რომ ალექსანდრე ვინიკის ადვოკატები ამტკიცებდნენ, რომ მათი დაცვის ქვეშ მყოფი მხოლოდ ციფრული ვალუტის ბირჟის თანამშრომელია და ბიტკოინის გამოყენებით უკანონო საქმიანობით დაკავებული არ ყოფილა.
