აშშ-ს ატლანტიკურმა საბჭომ ცენტრალური ბანკების ციფრულ ვალუტებთან დაკავშირებული კვლევა გამოაქვეყნა, რომელიც კიბერუსაფრთხოების საკითხებს ეხებოდა.
ავტორები უზრუნველყოფენ CBDC უსაფრთხოების განზოგადებულ განხილვას, მაგრამ მკაფიო აქცენტი აქვთ გაკეთებული შეერთებულ შტატებსა და მისთვის სპეციფიკურ საკითხებზე.
მათ დაადგინეს, რომ CBDC-ის მიერ წარმოდგენილი უსაფრთხოების რისკები დიდად არის დამოკიდებული მის დიზაინზე, ხოლო შესრულება, უსაფრთხოება და კონფიდენციალურობა სხვადასხვა დიზაინში სხვადასხვაგვარადაა დაბალანსებული.
მოხსენებაში განხილული იყო დიზაინის ექვსი ვარიანტი, რომელთაგან მხოლოდ სამი განიხილება ან გამოიყენება რეალურ ცხოვრებაში.
კონფიდენციალურობა განისაზღვრა, როგორც მთავარი რისკი CBDC მომხმარებლებისთვის.
ზოგიერთ დიზაინში CBDC-ს შეუძლია შეინახოს მომხმარებლის აქტივობისა და ტრანზაქციების ჩანაწერები, რაც გამოიწვევს არა მხოლოდ სახსრების მოპარვის რისკის ზრდას, არამედ მომხმარებლების პირადი ინფორმაციის ქურდობას.
კვლევაში ასევე ხაზგასმით იყო აღნიშნული მარეგულირებელი ზედამხედველობების გამკაცრების აუცილებლობა.
მიუხედავად იმისა, რომ უსაფრთხოების გამკაცრებულმა ზომებმა შესაძლოა, შეამციროს ცენტრალური ბანკების მხრიდან ციფრული ვალუტების კვლევა, მაინც საჭიროა გარკვეული ზომების მიღება რათა მოხდეს უსაფრთხოებასა და ინოვაციების შემოღებას შორის ბალანსირება.
