ჩინეთის ცენტრალური ბანკი ჰონგ-კონგის სავალუტო ორგანოსთან ციფრული იუანის საპილოტე პროგრამის საკითხზე თანამშრომლობას იწყებს.
ჰონგ-კონგის სპეციალურ ადმინისტრაციულ რეგიონში e-CNY– ს ტესტირების დასაწყებად წინასწარი მოლაპარაკებები მიმდინარეობს.
ჩინეთის ცენტრალური ბანკი და ჰონგ-კონგის სავალუტო ორგანო არიან ციფრული იუანის პილოტირების საწყის ეტაპებზე ტრანსსასაზღვრო გადასახადების გადასაცემად. ეს ფაქტი კი ხაზს უსვამს ცენტრალური ბანკის ციფრული ვალუტის კიდევ ერთ მნიშვნელოვან განვითარებას.
სავალუტო ორგანოს აღმასრულებელმა დირექტორმა, ედი იუემ მედიას საზღვრისპირა გადახდების გარშემო მიმდინარე სამუშაოების შესახებ ინფორმაცია მიაწოდა. მან აღნიშნა, რომ სავალუტო ორგანო დიალოგშია ჩინეთის სახალხო ბანკთან, რათა საპილოტე ტესტირება დაიწყოს.
”ჰონგ-კონგის სავალუტო ორგანო და ჩინეთის სახალხო ბანკის ციფრული ვალუტის ინსტიტუტი განიხილავენ ელექტრონული CNY-ის განვითარებას. შესაბამისად, საპილოტე ტრანსსასაზღვრო გადასახადების განსახორციელებლად ტექნიკური უზრუნველყოფისთვის ემზადებიან”,- აღნიშნა სავალუტო ორგანოს აღმასრულებელმა დირექტორმა.
ამასთანავე, ედი იუემ განაცხადა, რომ ჰონგ-კონგსა და კონტინენტურ ჩინეთში მოგზაურობის მსურველმა ტურისტებმა შესაძლოა, ისარგებლონ ელექტრონული CNY–ით, რადგან ის წარმოადგენს იგივე ღირებულებას, რაც უკვე მიმოქცევაში მყოფ ფულს აქვს.
