რუსეთის ბანკის განცხადებით, ქვეყნის მოქალაქეები ყოველწლიურად 5 მილიარდი დოლარს ტრანზაქციას კრიპტოვალუტით ახორციელებენ.
ქვეყნის ცენტრალური ბანკის მონაცემებით, რუსეთის მოქალაქეები კრიპტოვალუტის ბაზრის ყველაზე აქტიური მონაწილეები არიან.
2021 წლის ივლისში ძირითადი ადგილობრივი ბანკების მიერ მოხსენებულ შეფასებებზე დაყრდნობით, რუსეთის ცენტრალურმა ბანკმა ივარაუდა, რომ რუსეთის მოსახლეობის კრიპტოტრანზაქციების ჯამური წლიური მოცულობა 350 მილიარდ რუბლს, ანუ 5 მილიარდ დოლარს შეადგენდა.
თუმცა გაურკვეველია, თუ როდის გააკეთა რუსეთის ბანკმა ეს შეფასებები, რადგან ბიტკოინის ფასი თითქმის გაორმაგდა ივლისის შემდეგ. მაგალითად, ნოემბერში კრიპტოვალუტის ფასი დაახლოებით 30,000-დან 60,000 დოლარამდე გაიზარდა.
განცხადებაში ბანკმა ასევე აღნიშნა, რომ რუსეთის ფედერაცია Binance-ის ბირჟაზე ვიზიტების მხრივ ერთ-ერთი პირველია.
ციფრული პროვაიდერის, SimilarWeb-ის მონაცემებით, რუსეთი Binance-ზე მეორე ადგილზეა თურქეთის შემდეგ.
რუსეთის ცენტრალურმა ბანკმა ასევე აღნიშნა, რომ რუსეთი არის მსოფლიოში ერთ-ერთი უმსხვილესი ბიტკოინის მაინინგ ქვეყანა, რომელიც მესამე ადგილზეა ეროვნული ჰეშის განაკვეთების მიხედვით.
შეგახსენებთ, რომ რუსეთის მთავრობა კრიპტოვალუტით გადახდის საკითხთან დაკავშირებით ნეგატიურად არის განწყობილი.
