FinTech Breakthrough Awards-ი ყოველწლიურად აჯილდოვებს ფინანსურ და ტექნოლოგიურ კომპანიებს, რომლებიც თავიანთი საქმიანობით ნოვატორები არიან. ამჯერად ჯილდო Celsius Network-ს გადაეცა კატეგორიაში “საუკეთესო კრიპტოვალუტის საფულე”.
FinTech Breakthrough–ის მმართველი დირექტორი, ჯეიმს ჯონსონი Celsius-ს აღწერს, როგორც ფინანსური თავისუფლების მოპოვების უკეთეს შესაძლებლობას.
”ჩვენ მოხარულები ვართ, რომ Celsius-ს ვაღიარებთ, ამ საქმიანობაში მათი წარმატების გამო, რომელიც FinTech- ის სივრცეში მიღწეული ტექნოლოგიის ნამდვილი მაგალითია. გულწრფელად ვულოცავთ კომპანიის გუნდს 2021 წლის ‘საუკეთესო კრიპტოვალუტის საფულის’ ტიტულის მოპოვებას”,- აღნიშნა სიტყვით გამოსვლის დროს ჯეიმს ჯონსონმა.
FinTech Breakthrough–მა ასევე დააჯილდოვა Bitstamp-ი, რომელსაც საუკეთესო კრიპტოვალუტის ბირჟის სტატუსი მიენიჭა.
ამასთანავე, დეცენტრალიზებული ფინანსური პროტოკოლებისგან განსხვავებით, Celsius-ი მომხმარებელს სთავაზობს ცენტრალიზებულ ალტერნატივას, რომელიც მომხმარებლებს საშუალებას აძლევს, კრიპტო აქტივები შეიტანონ თავიანთ პლატფორმაზე.
Celsius-ი კრიპტო ბაზარზე დიდი ხანი არაა რაც მოღვაწეობს, მაგრამ კომპანიას დიდი ისტორია აქვს ნაღდი ფულით გაცემული სესხების შესახებ.
შეგახსენებთ რომ, 2020 წლის მონაცემებით, კომპანიის კაპიტალი დაახლოებით 2,2 მილიარდ დოლარს შეადგენდა.
