ევროპის ფასიანი ქაღალდებისა და ბაზრების სააგენტომ, ევროკავშირის დამოუკიდებელმა ფინანსურმა ორგანომ, კრიპტოვალუტის მფლობელები ინვესტიციების მაღალი რისკის შესახებ გააფრთხილა.
ოთხშაბათს გამოქვეყნებულ მოხსენებაში, რომლის სათაურიც ასე ჟღერს: „ტენდენციები, რისკები და მოწყვლადობა“, სააგენტომ გააანალიზა COVID-19 – ის გავლენა ფინანსურ ბაზრებზე, ხაზი გაუსვა გაზრდილ რისკებს, რომელიც რეგულაციის არარსებობას შეეხებოდა.
სააგენტომ აღნიშნა, რომ კრიპტოვალუტის ბაზარი 2020 წლის ბოლოს საგრძნობლად გაიზარდა. ამასთანავე, ბიტკოინმა მიაღწია ყველა დროის მაღალ დონეს. ფინანსურმა ორგანომ აღნიშნა, რომ ფასების მატების ტალღამ კრიპტო სექტორის ახალი ამბების “პოზიტიური ნაკადები” გამოიწვია.
“გაზრდილი მოცულობისა და მოთხოვნის ფონზე, კრიპტოვალუტა კვლავ არამდგრადია და დიდი რისკის ქვეშ აყენებს ინვესტორებს. ციფრული ვალუტის ფასები კი მნიშვნელოვან რისკს წარმოადგენს მომხმარებლებისთვის”,- აღნიშნულია განცხადებაში.
შეგახსენებთ, რომ თებერვალში საფრანგეთის უმაღლესი ფინანსური მარეგულირებლის, Autorite des Marches Financiers-ის, თავმჯდომარემ ევროპის ფასიანი ქაღალდებისა და ბაზრების სააგენტოს შესთავაზა გახდეს ევროკავშირის ტერიტორიაზე კრიპტოვალუტის რეგულირებისა და ზედამხედველობის მთავარი ორგანო.
