მონაცემთა ანალიტიკური გიგანტი Palantir-ი ბიტკოინით გადახდას დაუშვებს.
მილიარდერ პიტერ ტიელის მიერ დაფუძნებული კოლორადოს მონაცემთა ანალიტიკური კომპანია, Palantir-ი, რომლის საბაზრო ღირებულება 30 მილიარდი დოლარია, ახლა კლიენტებისგან ბიტკოინს გადახდის სახით იღებს.
პიტერ ტიელი იყო ის, ვინც PayPal–ს კრიპტო ვაჭრობის დაწყებაში დაეხმარა. აპრილში PayPal–ის საკუთრებაში მყოფი გადახდის პლატფორმა, Venmo–მ დანერგა კრიპტო ვაჭრობა ბიტკოინით, ეთერიუმით, ლაიტკოინითა და Bitcoin Cash-ით.
CNBC-ის თანახმად, Palantir-მა 2021 წლის პირველი კვარტლის მოგების გამოცხადების დროს აღნიშნა, რომ მან დაიწყო ბიტკოინით გადახდების მიღება. გარდა ამისა, კომპანია Tesla-სა და MicroStrategy-ის აქციებში ინვესტიციის ჩადებას განიხილავს და ირწმუნება, რომ მათ აქვთ 2 მილიარდ დოლარიანი საინვესტიოციო რეზერვი.
MicroStrategy იყო ერთ–ერთი პირველი მსხვილი კომპანია, რომელიც ბიტკოინით გადახდას დაეთანხმა.
Tesla კრიპტო სივრცეში 2021-ის დასაწყისში შევიდა. კომპანიამ 1.5 მილიარდი დოლარის ღირებულების ბიტკოინი იყიდა. მოგვიანებით ავტომობილების მწარმოებელმა გაყიდა თავისი კრიპტო საკუთრების 10% ბიტკოინის ლიკვიდურობის დასადასტურებლად, როგორც ბალანსზე ნაღდი ფულის შენახვის ალტერნატივა.
