ციფრული ვალუტის ბირჟამ, Blocktrade-მა 25 მილიონი აშშ დოლარის ინვესტიციის მოზიდვის რაუნდი დაასრულა.
ლუქსემბურგში დაფუძნებული Blocktrade-ი გახდა უახლესი კრიპტოვალუტის ბირჟა, რომელმაც კრიპტო სექტორისგან დიდი მხარდაჭერა მიიღო. 33 ქვეყნის კერძო ინვესტორებმა მონაწილეობა მიიღეს 25,8 მილიონი აშშ დოლარის, ანუ 22 მილიონი ევროს სერიის A რაუნდში.
ინვესტორების ვინაობა არ გახმაურებულა. Blocktrade-მა აღნიშნა, რომ დაფინანსება დაიხარჯება შიდა ოპერაციების გაუმჯობესებაზე, განსაკუთრებით უსაფრთხოების, საბრძოლო მოქმედებების და ბაზრის შექმნის სფეროებში. კომპანიამ ასევე განაცხადა, რომ გამოყოფს მეტ რესურსს პოტენციური მომხმარებლის ბაზის გასაზრდელად, ასევე განახორციელებს სხვა ბიზნეს პარტნიორობას.
“Blocktrade უფრო მეტია, ვიდრე კლასიკური კრიპტო ბირჟა: ჩვენ ვქმნით სრულ ეკოსისტემას ციფრული აქტივების გარშემო, რაც ჩვენს მომხმარებლებს გაცილებით მეტს აძლევს, ვიდრე უბრალოდ სავაჭრო ინსტრუმენტებზე წვდომას”, – განაცხადა ბერნარდ ბლაჰამ, რომელიც დაინიშნა Blocktrade-ის აღმასრულებელ დირექტორად 2020 წლის ბოლოს.
შეგახსენებთ, რომ Blocktrade 2018 წელს დაარსდა. კომპანიამ მოგვიანებით Cryptix AG-ი, შვეიცარიული კომპანია შეიძინა, რომელიც ციფრულ გადახდებზე არის სპეციალიზირებული.
