სამშაბათს, 9 მარტს ციფრული ვალუტების ბაზარი გაიზარდა. ამასთანავე, უნდა აღინიშნოს, რომ კრიპტოვალუტების კურსს განსაკუთრებული ვარდნა წინა კვირას არ განუცდია. თუმცა ბიტკოინის ფასი მაინც 50.000 დოლარის დაბლა მოძრაობდა.
ბიტკოინის კურსი ძველ ნიშნულს დაუბრუნდა. დღეს კრიპტოვალუტის ფასი 54.000 დოლარის ფარგლებში მერყეობს. უფრო კონკრეტულად, ბიტკოინის კურსი 54.000-სა და 54.100 დოლარს შორის მოძრაობს.
უკანასკნელი 24 საათის განმავლობაში ბიტკოინის კურსი 8.13%-ით არის გაზრდილი.
რაც შეეხება ბაზრის კაპიტალიზაციით მეორე უმსხვილეს კრიპტოვალუტას: ეთერიუმის კურსი ნელ-ნელა 2.000 დოლარის დონეს უახლოვდება.
კრიპტოვალუტის ფასი მკვეთრად არის მომატებული და ის 1.821 დოლარს შეადგენს. ეს ნიშნავს, რომ ბოლო დღე-ღამის განმავლობაში ალტკოინის კურსი 5.65%-ით გაიზარდა.
შეგახსენებთ, რომ CoinMarketCap-ის მონაცემების თანახმად, 9 მარტს, დღის მეორე ნახევარში, კრიპტოვალუტების მთლიანი საბაზრო კაპიტალიზაცია ტრილიონ 672 მილიარდ დოლარს შეადგენდა.
