კრიპტოვალუტის ბირჟის Gemini-ს თანადამფუძნებლები და ყოფილი ოლიმპიელი ნიჩბოსნები, ტეილორ და ქემერონ უინკლევოსები 2021 წლის ოქსფორდ-კემბრიჯის ნავების შეჯიბრის სპონსორები იქნებიან.
”აღფრთოვანებული ვართ იმით, რომ ჩვენი ორი უდიდესი ვნება: ნიჩბოსნობა და კრიპტოვალუტა ამ ისტორიული მოვლენის სპონსორობით ერთმანეთთან გარკვეულწილად დავაკავშირეთ,”- განაცხადეს უინკლევოსებმა. აღნიშნული ღონისძიება კი 1829 წლიდან იღებს სათავეს.
კვირის დასაწყისში ტყუპებმა განაცხადეს, რომ ისინი იქნებოდნენ ღონისიების სპონსორები. გარდა ამისა, ძმები დააფინანსებენ იმ ნიჩბოსან სტუდენტებს სტიპენდიით, რომლებიც წარჩინებით სწავლობდნენ. დაფინანსების ოდენობა კი 75,000 ევროთი განისაზღვრა.
შეგახსენებთ, რომ ტეილორ და ქემერონ უინკლევოსებმა 2013 წელს 11 მილიონი დოლარი ჩადეს ბიტკოინში და დღესდღეობით ერთ-ერთ მდიდარ ინვესტორებად ითვლებიან.
ამასთანავე, აღსანიშნავია რომ, ბირჟა ყოველთვის დიდ ყურადღებას უთმობს უსაფრთხოების საკითხს. რამდენიმე თვის წინ ბირჟის მობილური აპლიკაციისთვის უსაფრთხოების სისტემა გამკაცრდა.
Gemini-მ უსაფრთხოების კვალიფიკაციის, SOC 1 ტიპის პირველი სერთიფიკატის მფლობელიც არის.
