სან-ფრანცისკოში დაფუძნებული კრიპტოვალუტის ბირჟის, Coinbase-ის აპლიკაციის ჩამოტვირთვის მაჩვენებელი აშშ-ის ფინანსურ აპლიკაციებს შორის ყველაზე დაბალ დონეზეა.
ამის შესახებ ინფორმაციას ონლაინ მედია საშუალება Quartz-ი ავრცელებს.
Quartz-ის ინფორმაციით, Coinbase- ის აპლიკაცია ივნისში ჩამოტვირთვების რეიტინგში 40-ე ადგილზე იყო.
2017 წლის დეკემბერში Coinbase-ის აპლიკაცია აშშ-ში ერთ-ერთ ყველაზე მოთხოვნადი ფინანსური აპლიკაცია იყო. ეს მაშინ, როდესაც ბიტკოინის ფასი 19.000 დოლარს შეადგენდა.
Coinbase- ის თანადამფუძნებელი და აღმასრულებელი დირექტორი ბრაიან არმსტრონგი Twitter-ზე წერს, რომ ბირჟაზე დაფიქსირებული მოკლევადიანი ფასები სულაც არ არის შეშფოთებული და ამტკიცებს, რომ კლების ტენდენციები პირიქით ეხმარება ბაზრის იმ მოთამაშეებს, რომლებიც ქვედა დონეზე არასამართლიანად აღმოჩნდნენ.
როგორც Quartz-ი წერს, Coinbase-ი დაახლოებით 8 მილიარდ დოლარად არის შეფასებული, რაც 1.6 მილიარდი დოლარით მეტია გასულ წელთან შედარებით.
