კანადის ბანკთან თავდაპირველი განხილვის შემდეგ, ოთხმა უმაღლესმა უნივერსიტეტმა წარადგინა საპროექტო წინადადებები ცენტრალური ბანკის ციფრულ ვალუტასთან დაკავშირებით.
კანადის დიდმა უნივერსიტეტებმა კანადის ბანკს წარუდგინეს ახალი კვლევა, რომელიც ორიენტირებულია ცენტრალური ბანკის სტაბილკოინის განვითარებაზე.
კვლევა მას შემდეგ დაიწყო, რაც ცენტრალურმა ბანკმა ოთხ ინსტიტუტს ეროვნული კრიპტოვალუტის პოტენციური დიზაინის შექმნის პროექტში მონაწილეობა შესთავაზა. გამოქვეყნდა სამი წინადადება. აღსანიშნავია, რომ თითოეული წინადადება ემყარებოდა Blockchain ტექნოლოგიის გამოყენებას.
Calgary-ს უნივერსიტეტიდან წარდგენილ განცხადებაში მოცემულია განაწილებული ლეჯერ ტექნოლოგიებისა და ელექტრონული ფულადი სახსრების სქემების ნაზავი. წარდგინება ყურადღებას ამახვილებს სტაბილკოინის უნივერსალური წვდომის საშუალებაზე. ასევე კონფიდენციალურობის ძლიერი დაცვის სისტემა შესაბამისობაში მოდის კანადის კანონმდებლობასთან.
მონრეალის McGill University-ს უნივერსიტეტის დიზაინი ფოკუსირებულია კონფიდენციალურობის დაცვაზე ფულის მიმღებსა და გამგზავნს შორის. მკვლევარებმა აღნიშნეს, რომ კონფიდენციალურობის დაცვა აუცილებელია ფასის რყევის თავიდან ასაცილებლად და ფულის კლასიკური მოთხოვნის ფუნქციის მთლიანობის უზრუნველსაყოფად.
ტორონტოს უნივერსიტეტისა და იორკის უნივერსიტეტის ერთობლივი წარდგენა კი ხელს უწყობს ვინაობის ნამდვილობის დამადასტურებელი რეგულაციის დაცვას. ამ მიდგომის თანახმად, სტაბილკოინის გავრცელება განხორციელდება ორ ფაზად: ციფრული ნაღდი ფულის ავტორიზაციის პროტოკოლითა და პროგრამირებადი ელექტრონული ფულის შექმნით.
