ევროკავშირი მსხვილ სერვისულ კომპანიას შექმნის, რომელიც Blockchain-ის სოციალური მედიის პროექტს უხელმძღვანელებს.
პროექტი, რომელსაც TruBlo ეწოდება, გააკონტროლებს Blockchain განვითარებას, ევროკომისიის შემდეგი თაობის ინტერნეტ ინიციატივის ფარგლებში. TruBlo–ს ხელმძღვანელად დაინიშნა საფრანგეთის ფინანსური მომსახურების კომპანია, Worldline-ი.
Worldline-ი დაარსდა 1970 წელს და 2019 წელს გამოიმუშავა 2.3 მილიარდი ევროს (2.8 მილიარდი დოლარი) შემოსავალი. Finextra–ს ინფორმაციით, დაახლოებით 450 წინადადება შეფასდება უახლოეს წლებში, როგორც ინიციატივის მიზანი. ინიციატივების მიზანი Blockchain ტექნოლოგიის მიმართ საზოგადოების ცნობიერების ამაღლება და სანდოობის შეფასება იყო.
მოსალოდნელია, რომ 45 წინადადება მიიღებს ნაწილობრივ დაფინანსებას. TruBlo–ს კოორდინატორმა და R&D მენეჯერმა, ტონი პარადელმა განაცხადა, რომ ფუნდამენტური საკითხია ნდობის მოდელების განვითარება სწრაფად განვითარებადი ტექნოლოგიის ხანაში.
აღსანიშნავია რომ, ჯერ კიდევ 2019 წელს ევროკავშირის ეკონომიკური და სოციალური კომიტეტის ერთ-ერთმა წევრმა Blockchain ტექნოლოგიის მნიშვნელობა საბეჭდი ტექნოლოგიის გამოგონებას შეადარა.
”ჩვენ შეგვიძლია პარალელების გავლება სტამბის გამოგონებასთან. როგორც ვიცით, პირველი წიგნი, რომელიც დაიბეჭდა, ბიბლია იყო. ახლა, წარმოიდგინეთ, რომ სტამბა იქცა ისეთი საშუალებად, რომელმაც მხოლოდ ბიბლია უნდა დაბეჭდოს – ეს არ იქნებოდა სწორი, რადგან ბეჭდვის ტექნოლოგიამ რევოლუციური გავლენა მოახდინა ევროპის ცხოვრებაში”,- განაცხადა ჯუზეპე გუარინინიმ.
