ბოლო გამოკითხვის თანახმად, გერმანელი მომხმარებლების თითქმის მეოთხედი არ აპირებს Facebook–ის მიერ გამოსაშვები ციფრული ვალუტის შეძენას.
სულ 2.000 გერმანელი გამოიკითხა. უნდა აღინიშნოს, რომ გამოკითხვაში მონაწილეობას 16 წლის მოსაზრდებიც იღებდნენ. გამოკითხულთა 27%-მა განაცხადა, რომ არ აპირებს Libra-ს გადახდის საშუალებად გამოყენებას.
შედეგები მიუთითებს იმაზე, რომ გამოკითხულთა 73% მთლიანად უარყოფს Libra-ს, როგორც ციფრული ვალუტის იდეას. 42% კი მიიჩნევს, რომ Facebook-ის კრიპტოვალუტა სანდო არ არის.
ამასთანავე, უნდა აღინიშნოს, რომ Libra-ს მიუღებლობა 35 წლის ზემოთ ასაკობრივ ჯგუფში დაფიქსირდა. ისინი, ვინც 55 წელს გადაცილებული იყო, 85% ამბობს, რომ საერთოადაც შეუძლებელია სოციალური ქსელის ციფრული ვალუტის შექმნა.
Libra 22-დან 34 წლამდე ასაკობრივ ჯგუფში ყველაზე დიდ მხარდაჭერას პოულობს. ამ ასაკობრივ ჯგუფში მომხმარებელთა თითქმის 42% ამბობს, რომ მოხარული იქნება Libra-ს შექმნითა და განვითარებით.
შეგახსენებთ, რომ გამოკითხვა ჩატარდა Wirtschaftswoche-ს, ბიზნესის ახალი ამბების ჟურნალისა და Creditplus Bank AG-ის სახელით.
