ჩინეთის სახელმწიფო კვლევითი ცენტრის მკვლევრებმა გააჟღერეს იდეა აზიის მასშტაბით ციფრული ვალუტის შექმნის შესახებ, რათა ჩინეთის აშშ-ს დოლარზე დაფუძნებული ეკონომიკის მიმართ დამოკიდებულება შემცირდეს.
ჩინეთის სოციალურ მეცნიერებათა აკადემიის (CASS) განყოფილების მკვლევრების ლიუ დონმინის, სონგ შუანგის და ჟოუ ზუეჟის შეხედულებები ჯერ კიდევ სექტემბრის დასაწყისში გამოსულ World Affairs-ის ჟურნალის ნომერში გამოქვეყნდა, სადაც ნათქვამია, რომ აზიური იუანის შექმნა შემაცირებს აზიის დამოკიდებულებას დოლარზე.
არსებული და საცდელი ცენტრალური ბანკის ციფრული ვალუტების (CBDCs) მსგავსად, მკვლევრებმა განაცხადეს, რომ DLT აზიური ტოკენის მხარდაჭერას შექმნის, რომელიც 13 ვალუტის პაკეტზე იქნება მიბმული.
მკვლევრების თქმით, ვალუტაში შედის სამხრეთ-აღმოსავლეთ აზიის ქვეყნების ასოციაციის (ASEAN) წევრი 10 ქვეყნის ვალუტა, ჩინეთის იუანი, იაპონური იენი და სამხრეთ კორეის ვონი.
„აღმოსავლეთ აზიაში 20 წელზე მეტი ხნის გაღრმავებულმა ეკონომიკურმა ინტეგრაციამ კარგი საფუძველი ჩაუყარა რეგიონულ სავალუტო თანამშრომლობას. აზიური იუანის პირობები თანდათან კიდევ უფრო ჩამოყალიბდება“, – აღნიშნულია განცხადებაში.
