ხუთშაბათს, 13 სექტემბერს, კრიპტოვალუტების მთლიანი საბაზრო კაპიტალიზაცია თითქმის 12 მილიარდი დოლარით გაიზარდა.
უნდა აღინიშნოს, რომ რამდენიმე კვირიანი წარუმატებელი ვაჭრობის შემდეგ ეთერიუმის კურსმა ზრდა დაიწყო. გუშინ კრიპტოვალუტის ღირებულებამ 18%-ით მოიმატა. ეს ნიშნავს, რომ ეთერიუმის კურსი საგრძნობლად გაუმჯობესდა და საბოლოოდ, 207 დოლარის ნიშნული დაიკავა.
კვირის განმავლობაში ეთერიუმის მოგება 9%-ს შეადგენს, ხოლო დანაკარგი ჯერ კიდევ მაღალია და ის დაახლობით 35%-ია.
კურსის ზრდა განიცადა ბიტკოინმაც. კრიპტოვალუტის ფასმა 6.500 დოლარს მიაღწია. ბოლო 24 საათის განმავლობაში კრიპტოვალუტის კურსი 3.17%-ით გაიზარდა.
რაც შეეხება დანაკარგებს: ბიტკოინმა კვირის განმავლობაში 3% დაკარგა, ხოლო თვის განმავლობაში 2.76%-ის მოგება დაფიქსირდა.
შეგახსენებთ, რომ CoinMarketCap-ის 13 სექტემბრის მონაცემების თანახმად, კრიპტოვალუტების მთლიანმა საბაზრო კაპიტალიზაციამ 201 მილიარდი დოლარი შედგინა. ეს ნიშნავს, რომ კაპიტალიზაცია 6%-ით ანუ 12 მილიარდი დოლარით გაიზარდა.
