Huawei-ს აღმასრულებელი დირექტორი მიიჩნევს, რომ ჩინეთს საკუთარი ციფრული ვალუტის გამოშვებით შეუძლია Facebook-ს ბაზარზე კონკურენცია გაუწიოს.
18 ივლისს იტალიაში გამართულ პრესკონფერენციაზე სიტყვით გამოვიდა რენ ზენგფეი, რომელმაც განაცხადა, რომ ჩინეთს შეუძლია შექმნას ციფრული ვალუტა და ჰქონდეს იგივე შესაძლებლობები, რაც Libra-ს ექნება.
“ჩინეთს ასევე შეუძლია ამგვარი ვალუტის შექმნა. რატომ უნდა ველოდოთ სხვებს? სახელმწიფოს ყოველთვის უფრო მეტი ძალა აქვს, ვიდრე ინტერნეტ კომპანიას”,- განაცხადა Huawei-ს აღმასრულებელმა დირექტორმა.
ცოტა ხნის წინ ჩინურმა მედია საშუალებამ, South China Morning Post-მა ინფორმაცია გაავრცელა, რომ ქვეყნის ცენტრალური ბანკი საკუთარი კრიპტოვალუტის შექმნაზე მუშაობდა.
ჩინეთის ცენტრალური ბანკის განცხადების თანახმად, Facebook-ის ციფრული ვალუტის საპირისპიროდ ბანკი თავის კრიპტოვალუტის გამოშვებას გეგმავდა.
როგორც ცენტრალური ბანკი აცხადებდა, სოციალური ქსელის კრიპტოვალუტამ შესაძლოა, საფრთხე შეუქმნას ქვეყნის ეკონომიკურ სისტემას. აქედან გამომდინარე, ბანკი ვალდებული იყო შესაბამისი ზომები მიეღო.
