მომხმარებლებს, რომლებსაც აქვთ სადებეტო ბარათები, რომლებიც გაცემულია კრიპტოვალუტის ბირჟაზე – Bakkt-ი, შეეძლებათ თავიანთი კრიპტო ბალანსის კონვერტირება Google Pay–ის გამოყენებით მოახდინონ.
გამოქვეყნებულ განცხადებაში ბირჟამ აღნიშნა, რომ ის თანამშრომლობს Google-თან, რათა მისმა მომხმარებლებმა შეძლონ საქონლისა და მომსახურების შეძენა ბიტკოინის და სხვა კრიპტოვალუტების გამოყენებით Google Pay საფულისა და გადახდის სისტემის საშუალებით.
გარდა ამისა, Bakkt-ი გეგმავს, შექმნას ახალი ანალიტიკური და გეოლოკაციური ფუნქცია თავის პლატფორმაზე Google Cloud ინსტრუმენტების გამოყენებით.
”ეს პარტნიორობა არის ციფრული ვალუტის ბაზარზე Bakkt-ის ძლიერი პოზიციის მტკიცებულება. მომხმარებლებმა უნდა შეძლონ თავიანთი კრიპტოვალუტებით რეალურ დროში სარგებლობა, უსაფრთხოდ და საიმედოდ”,- განაცხადა Bakkt–ის აღმასრულებელმა დირექტორმა, გევინ მაიკლმა.
Google-ის თანახმად, Bakkt-ი მომხმარებლებს აძლევს შესაძლებლობას გადაიხადონ კრიპტოვალუტით სუპერმარკეტებში, აფთიაქებში, რესტორნებში, ტანსაცმლის მაღაზიებში, ბენზინგასამართ სადგურებსა და ესთეტიკის ცენტრებში.
