თურქული მედია იუწყება, რომ სამართალდამცავი ორგანოები Dogecoin-ის მაინინგის სავარაუდო თაღლითობის საქმეს იძიებენ.
მედიის მიერ გავრცელებული ინფორმაციის თანახმად, პოლიციამ გამოავლინა სქემის ეჭვმიტანილი ონლაინ ოპერატორი “Turgut V”.
პოლიცია მიიჩნევს, რომ “Turgut V”-მ და მისმა 11-მა თანამოაზრემ მოახერხეს 350 მილიონამდე Dogecoin-ის მოპოვება მანამ, სანამ გაუჩინარდებოდნენ.
გავრცელებული ინფორმაციით, მთავარმა ეჭვმიტანილმა ინვესტიციის განხორციელება თურქეთის 1,500 მოქალაქისგან ითხოვა, რაც Dogecoin–ის მოპოვების ოპერაციას აადვილებდა.
თაღლითები კი ინვესტორებს 100%-იან ანაზღაურებას 40 დღეში ჰპირდებოდნენ.
არაკანონიერი ოპერაცია შეუფერხებლად მიმდინარეობდა პირველი სამი თვის განმავლობაში. უნდა აღინიშნოს, რომ ინვესტორები ანაზღაურებას დაპირებისამებრ იღებდნენ.
თუმცა, მას შემდეგ, რაც სქემის მთლიანმა ღირებულებამ 350 მილიონ Dogecoin-ს მიაღწია, მეოთხე თვეში თაღლითებმა ფული მიითვისეს და ონლაინ სივრციდან გაუჩინარდნენ.
სტამბოლის მთავარი პროკურატურა ახლა აწარმოებს მიმდინარე გამოძიებას “Turgut V”-სა და მისი 11 თანამოაზრის გამოსავლენად და დასაკავებლად.
ამასთანავე, ხელისუფლებამ გასცა ბრძანება, რომელიც თაღლითებს ქვეყნის დატოვებას უკრძალავს.
