ციფრული ვალუტის კომპანია Diem-ი Facebook-ს სასამართლოში ჩივილით დაემუქრა.
Facebook–მა პირველ დეკემბერს Libra-ს პროექტის რებრენდინგის შესახებ განაცხადა. ახალი სახელწოდება უნდა ყოფილიყო Diem-ი.
თუმცა ახალ სახელთან დაკავშირებით იურიდიული პრობლემები წარმოიშვა, რადგან Diem-ი ევროპულ ბაზარზე უკვე არსებობს.
Diem–ის თანადამფუძნებელმა და ცნობილმა ევროპელმა ინვესტორმა, კრის ადელსბახმა, განუცხადა მედიას, რომ სანამ მას აშინებდნენ Facebook– თან იურიდიულ ბრძოლაში შესვლის პერსპექტივით, მან მიიღო იურიდიული რჩევა, დაეცვა თავისი ბრენდი:
”ამდენი ძალისხმევა არ დასჭირდებოდა Facebook-ს, რომ გაერკვია, არსებობს თუ არა სხვა Diem-ი ფინანსურ მომსახურებაში. მათ აშკარად იფიქრეს, რომ ჩვენი კომპანია ადვილად დასაქუცმაცებელია, რადგან ის Facebook-ია”,-აღნიშნულია კომპანიის განცხადებაში.
Diem–მა მუშაობა ოქტომბერში დაიწყო და მას შემდეგ ნახევარი მილიონი მიმდევარი გაიჩინა. პლატფორმა საშუალებას აძლევს მომხმარებლებს სხვადასხვა სავაჭრო ოპერაცია განახორციელონ.
