მსოფლიოს უმსხვილესი კრიპტოვალუტის ბირჟა, Binance-ი სამხრეთ კორეაში გეგმავს ფილიალის გახსნას.
Binance-ის მთავარი ოფისი მალტაზე მდებარეობს. დღესდღეობით კი ბირჟა სამხრეთ კორეელ პარტნიორებთან მუშაობით ქვეყანაში თავის დამკვიდრებას ცდილობს.
აღნიშნული ინფორმაცია Binance-ის აღმასრულებელმა დირექტორმა ჩენგპენგ ზაომ გააჟღერა.
ამ ეტაპზე მედიით მხოლოდ ეს ინფორმაცია ვრცელდება. დეტალები კი მოგვიანებით გახდება ცნობილი.
უნდა აღინიშნოს, რომ ბოლო პერიოდში Binance-ი აქტიურად განაგრძობს გაფართოებას. ჯერ კიდევ იანვარში მედიაში გავრცელდა ინფორმაცია, რომ კრიპტობირჟა პლატფორმის გახსნას ჯერსის კუნძულზე აპირებდა.
მარტში კი ცნობილი გახდა, რომ Binance-ის აღმასრულებელი დირექტორი არგენტინაში კრიპტობირჟის დაარსებას განიხილავდა. აპრილში კი ჩენგპენგ ზაომ სამხრეთ კორეაში გამართულ კონფერენციაზე განაცხადა, რომ Binance-ი ფილიალს სინგაპურში გახსნიდა.
შეგახსენებთ, რომ 2019 წლის დასაწყისში ჩენგპენგ ზაომ 8 ქვეყანაში დაანონსა კრიპტოვალუტის ბირჟის ფილიალების გახსნა .
