რამდენიმე რუსულ ბანკს, რომლებსაც სანქციები დაეკისრა უკრაინაში შეჭრისა და ომის დაწყების გამო, ვეღარ დაუჭერს მხარს ისეთი გადახდის სერვისები, როგორიცაა Apple Pay და Google Pay.
რუსეთის სიდიდით მეორე ბანკი, VTB-ი, ისევე როგორც სხვა ბანკები, როგორიცაა Sovcombank-ი, Otkritie, Novikombank-ი და Promsvyazbank-ი, იმ კომპანიების სიაშია, რომლებსაც აშშ-ს მიერ აქვთ სანქციები დაწესებული.
“ამ ბანკების მიერ გაცემული სადებეტო და საკრედიტო ბარათების მომხმარებლები ვეღარ შეძლებენ Apple Pay-სა და Google Pay-ს გამოყენებას”,- ნათქვამია ცენტრალური ბანკის განცხადებაში.
ზოგიერთ სანქცირებულ რუსულ ბანკს ასევე ექმნება პრობლემები Apple Store-თან და Google Store-თან.
აღსანიშნავია, რომ თებერვლის დასაწყისში Apple-მა თავისი iPhone-ისთვის Tap to Pay-ის გაშვების გეგმების შესახებ განაცხადა. ეს არის ახალი ფუნქცია, რომელიც მფლობელის სმარტფონს ბიზნესისა და ვაჭრობისათვის მოსახერხებელს ხდის.
Apple-ის განცხადებით, Tap to Pay ფუნქციას Apple Pay-ზე უკონტაქტო საკრედიტო და სადებეტო ბარათებსა და სხვა ციფრულ საფულეებზე გამარტივებული წვდომა ექნება.
ეს კი ნიშნავს, რომ მომხმარებლები, რომლებიც Coinbase Card-ს, Crypto.com-ის Visa Card-ს ან მსგავს გადახდის ბარათებს იყენებენ, Tap to Pay-ის საშუალებით კრიპტოვალუტის გამოყენებას გადახდებისათვის შეძლებენ.
სავარაუდოდ, რუსეთში ეს ფუნქციაც დაიბლოკება.
