ოთხშაბათს, 26 ივნისს კრიპტოვალუტების ბაზარი მკვეთრად გაუმჯობესდა. დღის განმავლობაში დაფიქსირდა ფასების ზრდის ტენდენცია.
გუშინ ბიტკოინის ფასმა 13.000 დოლარის დონემდე მოიმატა.
26 ივნისს ბიტკოინმა 12.000 დოლარის ზღვარი დასძლია. კრიპტოვალუტის ფასი დღის განმავლობაში 13.252-სა და 13.700 დოლარის ფარგლებში მოძრაობდა.
უნდა აღინიშნოს, რომ ბიტკოინის ფასმა უკანასკნელი 24 საათის განმავლობაში დაახლოებით 21%-ით მოიმატა.
რაც შეეხება ეთერიუმს: 26 ივნისს ეთერიუმის კურსი 352 დოლარამდე გაიზარდა. დღის განმავლობაში ალტკოინის ფასი 14%-ით გაიზარდა.
უნდა აღინიშნოს, რომ გუშინ ეთერიუმის ფასმა 309 დოლარიდან დაიწყო კურსის ზრდა. დღის ბოლოს ეთერიუმზე ვაჭრობა 350 დოლარის ფარგლებში მიმდინარეობდა.
შეგახსენებთ, რომ CoinMarketCap-ის მონაცემების თანახმად, 26 ივნისს კრიპტოვალუტების მთლიანი საბაზრო კაპიტალიზაცია დაახლოებით 376 მილიარდ დოლარს შეადგენდა.
