ნიუ-იორკის მერი ბიტკოინის კურსთან დაკავშირებით პროგნოზს აკეთებს.
ნიუ-იორკის ახლად დანიშნული მერი, ერიკ ადამსი თავის გავლენას უკვე იყენებს, რათა საჯაროდ ისაუბროს ბიტკოინის ფასის ბოლო ვარდნის შესახებ.
CNBC-ის პოდკასტ Squawk Box-თან ინტერვიუში, ადამსმა თქვა, რომ ნიუ-იორკის მერის პოზიციაზე პირველი ხელფასი ციფრულ ვალუტაში ჯერ არ მიუღია. თუმცა ხაზგასმით აღნიშნა, რომ სურს ნიუ-იორკის ბიტკოინისა და ზოგადად კრიპტო ცენტრად გადაქცევა.
პოდკასტის წამყვანმა ენდრიუ როს სორკინმა გამოთქვა შეშფოთება გასული პარასკევის ფასის ვარდნის გამო. თუმცა ახალმა მერმა უპასუხა:
”როდესაც ფასები მცირდება, ზოგჯერ ეს საუკეთესო შესაძლებლობაა ყიდვისათვის, რადგან ფასი ისევ გაიზრდება და თქვენ მიიღებთ კარგ მოგებას. ჩვენ უნდა გამოვიყენოთ Blockchain-ი, ბიტკოინი და ყველა სხვა ტექნოლოგია. მე მინდა, რომ ნიუ-იორკი ამ ტექნოლოგიების ცენტრი გახდეს.”
შეგახსენებთ, რომ ტექნოლოგიური განვითარება, განსაკუთრებით Blockchain ტექნოლოგიის, ერიკ ადამსის წინა საარჩევნო დაპირება იყო. იგი მოსახელობას ასევე დაჰპირდა კიბერუსაფრთხოების, თვითმართვადი მანქანებისა და დრონების ცენტრს.
