ორშაბათს, 30 აგვისტოს წინა კვირის ფასების მატების შემდეგ, კრიპტოვალუტის ბაზარი შემცირებას განიცდის.
ტოპ 10 კრიპტოვალუტის კურსის შემცირების მაჩვენებელი 1%-დან 4%-მდე მერყეობს.
ბიტკოინის კურსი 49.644 დოლარის ნიშნულს ჩამოსცდა და 46.835 დოლარის დონე დაიკავა. ბოლო 24 საათის განმავლობაში კრიპტოვალუტის კურსმა 3.77%-ით დაიკლო.
კვირის განმავლობაში ბიტკოინის ფასის კლება კვლავ 5.4%-ის ფარგლებში მერყეობს, რაც კრიპტოვალუტისთვის არცთუ კარგი მაჩვენებელია.
რაც შეეხება ეთერიუმს: ალტკოინის კურსმა 3.205 დოლარი შეადგინა, რაც ნიშნავს, რომ უკანასკნელი 24 საათის განმავლობაში კრიპტოვალუტის ფასი 0.47%-ით შემცირდა.
კვირის მანძილზე ეთერიუმის ფასის კლების პროცენტული მაჩვენებელი კი 3.66%-ს შედგენს.
შეგახსენებთ, რომ CoinMarketCap-ის 30 აგვისტოს მონაცემების თანახმად, კრიპტოვალუტების მთლიანი საბაზრო კაპიტალიზაცია დაახლოებით 2 ტრილიონ 36 მილიარდ დოლარს შეადგენდა.
