სამშაბათს, 29 მარტს კრიპტოვალუტის ბაზარი წინა დღეების მონაცემებთან შედარებით დასტაბილურდა.
მიუხედავად იმისა, რომ 27-28 მარტს ბიტკოინის კურსის ყველაზე მაღალი დონე 46,827-სა და 48,086 დოლარზე დაფიქსირდა, ვაჭრობა ორივე დღეს ფასის მნიშვნელოვანი ცვლილებით არ დახურულა.
29 მარტს დღის პირველ ნახევარში ბიტკოინის ფასი 47,542 დოლარამდე მერყეობდა.
ბოლო 24 საათის განმავლობაში ბიტკოინის ფასი მხოლოდ 0.87%-ით არის შემცირებული.
ამასთანავე, უნდა აღინიშნოს, რომ კვირის განმავლობაში ბიტკოინის კურსი 11.75%-ით გაიზარდა.
რაც შეეხება ეთერიუმს: 29 მარტის დღის პირველ ნახევარში ალტკოინის კურსი 3.410 დოლარს შეადგენდა. მნიშვნელოვანია, რომ გუშინ ეთერიუმმა 3.400 დოლარის დონე საბოლოოდ გადალახა.
ბოლო 24 საათის განმავლობაში ეთერიუმის ფასი მხოლოდ 0.12%-ით არის შემცირებული.
კვირის განმავლობაში კი ალტკოინის კურსი დაახლოებით 14%-ით არის გაზრდილი.
შეგახსენებთ, რომ CoinMarketCap-ის მონაცემების თანახმად, 29 მარტს კრიპტოვალუტების მთლიანი საბაზრო კაპიტალიზაცია დაახლოებით 2 ტრილიონ 140 მილიარდ დოლარს შეადგენდა.
