ინდოეთის კრიპტოვალუტის უდიდესმა ბირჟამ, Unocoin-მა Blockchain-ზე დაფუძნებული Unstoppable Domains-ი მიიღო. პროგრამა კრიპტო ოპერაციებს ამარტივებს. ეს კი ხდება იმ ფონზე, როდესაც ინდოეთის მთავრობა კრიპტო ვაჭრობის აკრძალვას აპირებს.
პარტნიორობას, Unocoin–სა და Unstoppable Domains–ს შორის, ინვესტორი ტიმ დრეიპერი აფინანსებს. ამით ის სავარაუდოდ შეამცირებს ფულადი გზავნილების ხარჯებს და გაამარტივებს გარიგების პროცესს 1,2 მილიონი მომხმარებლისთვის. შეუჩერებელი დომენები კრიპტო მისამართებს აქცევს დეცენტრალიზებულ ვებსაიტებად, რომლებიც მხარაჭერილი იქნება Ethereum და Zilliqa Blockchain-ით.
ნაცვლად იმისა, რომ 42 სიმბოლოიანი Blockchain მისამართზე გაგზავნოს მომხმარებელმა ინფორმაცია, შეუჩერებელი დომენები კლიენტებს საშუალებას აძლევს შექმნან მარტივი URL- ები, რომლებიც მთავრდება “.crypto” და “.zil” დომენით. მათი შეძენა მხოლოდ ერთხელ არის საჭირო, შემდეგ კი სამუდამოდ იარსებებს Blockchain-ზე, განახლების ან შენარჩუნების საფასურის მოთხოვნის გარეშე.
შეუჩერებელი დომენების დეცენტრალიზებული ასპექტი განსაკუთრებით საინტერესო უნდა იყოს ინდოელი კრიპტომომხმარებლებისთვის. ეს ყველაფერი ხდება იმ ფონზე, როდესაც ფინანსთა სამინისტრომ მიიღო გადაწყვეტილება ბიტკოინისა და სხვა კრიპტოვალუტის გამოყენების აკრძალვის შესახებ.
