ჩინეთის წამყვანმა სოციალური მედიის პლატფორმებმა და ინტერნეტ გიგანტებმა განაახლეს პოლიტიკა NFT პლატფორმების შეზღუდვის ან წაშლის მიზნით.
ამის მიზეზი კი მარეგულირებელი სიცხადის ნაკლებობა და მთავრობის ზეწოლაა.
ჩინურმა სოციალური მედიის გიგანტმა WeChat-მა რამდენიმე ანგარიში წესების დარღვევის გამო წაშალა. წაშლილ პლატფორმებს შორის მოხვდა ერთ-ერთი ყველაზე ცნობილი NFT პროექტი – Xihu No.1.
ასევე სხვა მსგავსვმა პლატფორმა Dongyiyuandian-მა განაცხადა, რომ მისი ოფიციალური აპლიკაცია აიკრძალა.
WhaleTalk-მა, რომელიც ტექნიკური გიგანტი Ant Group-ის მიერაა შექმნილი, ასევე განაახლა თავისი პოლიტიკა NFT-ებით ვაჭრობისთვის.
აღნიშნული ზომების მიღება, საჭირო გახდა მას შემდეგ, რაც NFT პლატფორმებთან დაკავშირებული არალეგალური ტრანზაქციებისა რაოდენობა საგრძნობლად გაიზარდა.
შეგახსენებთ, რომ ჩინეთში NFT ოფიციალურად აკრძალული არ არის.
