ორშაბათს, 17 დეკემბერს კრიპტოვალუტების ბაზარი აშკარად გაუმჯობესდა. ეს კი ნიშნავს იმას, რომ ტოპ 10 ციფრული ვალუტის კურსმა ზრდის ტენდენცია აჩვენა.
ბიტკოინის ფასმა ბოლო 24 საათის განმავლობაში 8%-ით მოიმატა. კრიპტოვალუტის ფასი 3.545 დოლარამდე გაიზარდა.
უნდა აღინიშნოს, რომ უკანასკნელი 7 დღის განმავლობაში ბიტკოინი 3.500 დოლარის ნიშნულამდე არც კი მისულა. კვირის განმავლობაში კრიპტოვალუტამ ყველაზე დაბალი მაჩვენებელი 15 დეკემბერს აჩვენა, როდესაც ფასი 3.236 დოლარამდე შემცირდა.
რაც შეეხება რიპლის: უკანასკნელი 24 საათის განმავლობაში რიპლის კურსიც გაუმჯობესდა. რიპლიზე ვაჭრობა 0.28 აშშ დოლარიდან დაიწყო და 0.33 დოლარამდე გაიზარდა.
კვირის განმავლობაში ალტკოინის ფასი მეტ-ნაკლები სიმყარით გამოირჩეოდა. უნდა აღინიშნოს, რომ ციფრული ვალუტის კურსი 0.28 დოლარის ნიშნულის ქვემოთ არ ჩასულა.
შეგახსენებთ, რომ CoinMarketCap-ის მონაცემების თანახმად, 17 დეკემბერს კრიპტოვალუტების მთლიანი საბაზრო კაპიტალიზაცია დაახლოებით 112 მილიარდ დოლარს შეადგენდა.
