ენდრიუ იანგი: თუკი მე თეთრ სახლში შევალ, ჩვენ გვექნება მეგობრული პოლიტიკა კრიპტოვალუტასთან დაკავშირებით

0
671

2020 წლის აშშ-ს საპრეზიდენტო კანდიდატმა ენდრიუ იანგმა განაცხადა, რომ Blockchain-ი შეერთებული შტატების მომავლის დიდი ნაწილი უნდა იყოს.

ეს განცხადება ენდრიუ იანგმა ნიუ-იორკში Consensus-ის კონფერენციაზე სიტყვით გამოსვლისას გააჟღერა.

“მე მჯერა, რომ Blockchain-ი ჩვენი მომავლის დიდი ნაწილია. თუ მე თეთრ სახლში ვიქნები, ჩვენ გვექნება ძალიან მეგობრული პოლიტიკა კრიპტოვალუტასთან დაკავშირებით”,-განაცხადა ენდრიუ იანგმა.

უნდა აღინიშნოს, რომ ბოლო გამოკითხვის თანახმად, ამერიკის შეერთებული შტატების მოქალაქეების 11% ბიტკოინის მფლობელია.

ამის შესახებ ცნობილი გახდა კომპანია Blockchain Capital-ის კვლევის შედეგად.

კვლევის შედეგების მიხედვით, აღმოჩნდა რომ, ამერიკელების დამოკიდებულება ბიტკოინის მიმართ 2017 წლის შემდეგ საგრძნობლად შეიცვალა. ეს ნიშნავს, რომ ამერიკელებში ბიტკოინისა და ზოგადად კრიპტოვალუტის შესახებ ცნობიერება ამაღლდა.

2017 წლიდან 2019-მდე 77%-ით გაიზარდა იმ ადამინთა რიცხვი, რომლებიც ბიტკოინით დაინტერესდნენ.

შედეგებმა აჩვენა, რომ ბიტკოინის მიმართ ინტერესს 18-დან 34 წლამდე ახალგაზრდები გამოხატავენ.

დატოვეთ კომენტარი

კომენტარი