ShapeShift-ი THORChain– ის საშუალებით ბიტკოინით ვაჭრობას იწყებს

0
1061

კრიპტოვალუტის ბირჟამ, ShapeShift–მა THORChain–თან სრული ინტეგრაციის შესახებ განაცხადა. ეს კი კომპანიას საშუალებას მისცემს ბიტკოინით, ეთერიუმითა და ლაიტკოინით ივაჭროს.

ShapeShift-ის მობილურ მომხმარებლებს შესაძლებლობა აქვთ ნებისმიერი სახის შუამავლის, მეურვის ან კონტრაგენტის გარეშე განახორციელონ სავაჭრო ოპერაციები. ShapeShift-ის დამფუძნებელმა და აღმასრულებელმა დირექტორმა, ერიკ ვურჰისმა ასე განმარტა THORChain-ში ინტეგრაციის მნიშვნელობა:

”ჩვენ გვჯერა, რომ ფინანსები უნდა იყოს ღია და გამჭვირვალე. THORChain გუნდმა ააშენა ტექნოლოგია, რომელიც ამ ყველაფერს უზრუნველყოფს”.

ტრანსფერების მზარდმა ბაზარმა ბოლო თვეების განმავლობაში THORChain-ი მსოფლიო ეკონომიკურ რუქაზე მოახვედრა.

შეგახსენებთ, რომ ShapeShift-ი შვეიცარიაში მდებარეობს. შვეიცარია კი კრიპტოვალუტის მიმართ კეთილგანწყობით გამოირჩევა. მარტის დასაწყისში ინფორმაცია გავრცელდა, რომ შვეიცარიის ერთ-ერთი ყველაზე პატარა კანტონის ქალაქი, ცუგი მოსახლეობას Blockchain გადახდის სისტემას შესთავაზებს.

გადახდის ეს სისტემა განკუთვნილი იქნება ადგილობრივი კომპანიებისა და ფიზიკური პირებისათვის. გადახდა შესაძლებელი იქნება, როგორც ბიტკოინით ასევე ეთერიუმით.

დატოვეთ კომენტარი

კომენტარი