ბრაზილიაში დაფუძნებულმა უმსხვილესმა საინვესტიციო/საბროკერო კომპანია XP-მ მედიას განუცხადა, რომ XTAGE 2022 წლის მეორე კვარტალში ამოქმედდება.
XP-მ განაცხადა, რომ ბირჟა მომხმარებლებს კრიპტოვალუტების ყიდვა-გაყიდვას შესთავაზებს. თუმცა სამომავლო განზრახვაა, რომ პლატფორმა ასევე მხარს დაუჭერს სხვა ციფრულ ვალუტებს და საინვესტიციო პროდუქტებს.
„XTAGE-ის შექმნა წარმოადგენს მნიშვნელოვან ეტაპს ციფრული ვალუტების ბაზრის წინსვლისთვის. ჩვენ ინვესტორებს კრიპტოვალუტებზე წვდომას ვთავაზობთ.
Nasdaq-თან ტექნოლოგიური პარტნიორობის წყალობით, ჩვენ დარწმუნებული ვართ, რომ XP იმუშავებს ინოვაციურ და მძლავრ ინფრასტრუქტურაზე“, – განაცხადა ლუკას რაბეჩინმა, XP-ის ფინანსური პროდუქტების დირექტორმა.
აღმასრულებელმა ვიცე-პრეზიდენტმა და Nasdaq-ის ბაზრის ტექნოლოგიური ინფრასტრუქტურის ხელმძღვანელმა, როლანდ ჩაიმ, ხაზი გაუსვა იმას, რომ Nasdaq-ის პარტნიორობა XP-თან ახალ შესაძლებლობებს გახსნის კომპანიებისა და ინვესტორებისთვის.
აღსანიშნავია, რომ ეს არ არის პირველი შემთხვევა, როდესაც NASDAQ-ი ბრაზილიურ კრიპტო კომპანიას პარტნიორობას უწევს.
შეგახსენებთ, რომ XP-ი 3,5 მილიონზე მეტი კლიენტითაა რეგიონში წარმოდგენილი. ამ ეტაპზე, როგორც ცნობილია, კომპანია 168 მილიარდი დოლარის აქტივებს ფლობს.
