ოთხშაბათს, 15 აპრილს ციფრული ვალუტის ბაზარი გუშინდელ დღესთან შედარებით ოდნავ გაიზარდა.
ბიტკოინის კურსი 14 აპრილის მაჩვენებელთან შედარებით 0.54%-ით გაუმჯობესდა. ამ ეტაპზე კრიპტოვალუტის ფასი 6.860 დოლარის ფარგლებში მოძრაობს. ეს კი ნიშნავს, რომ ბიტკოინი ნელ-ნელა 7.000 დოლარის დონეს უახლოვდება.
ბაზარზე ბიტკოინის დომინირების მაჩვენებელი კი 64.1%-ს შეადგენს.
რაც შეეხება კაპიტალიზაციის მაჩვენებლით მეორე მსხვილ ციფრულ ვალუტას, ეთერიუმს: ამჟამად, ეთერიუმის კაპიტალიზაციის მაჩვენებელი 17 მილიარდი დოლარია. გაზრდილია რიპლის კაპიტალიზაციის მაჩვენებელიც, რომელიც ამ ეტაპზე 8 მილიარდ დოლარს შეადგენს.
15 აპრილს ბიტკოინის ფასის ცვლილებასთან ერთად ეთერიუმის კურსმაც ზრდის ნიშანი აჩვენა. ბოლო 24 საათის განმავლობაში ალტკოინის ღირებულება 0.95%-ით გაიზარდა. საბოლოოდ ეთერიუმის ფასმა 158 დოლარი შეადგინა.
შეგახსენებთ, რომ CoinMarketCap-ის 15 აპრილის დღის პირველი ნახევრის მონაცემების მიხედვით, კრიპტოვალუტების მთლიანი საბაზრო კაპიტალიზაცია დაახლოებით 196 მილიარდ დოლარს შეადგენდა.
