ორშაბათს, 24 სექტემბერს კრიპტოვალუტების ფასები და მათ შორის ეთერიუმის კურსი მკვეთრად შემცირდა. მიუხედავად იმისა, რომ ეთერიუმმა ახლახანს დაიწყო ფასის ზრდა მოულოდნელად ისევ კურსის შემცირებისკენ წავიდა.
გუშინ, ეთერიუმის კურსი წინა დღესთან შედარებით 5%-ით იყო შემცირებული. მას შემდეგ, რაც 22 სექტემბერს ეთერიუმის ფასმა 250 დოლარი შეადგინა, გუშინ ალტკოინის კურსი 240-სა და 230 დოლარს შორის მერყეობდა.
ამასთანავე, ეთერიუმის მთლიანი საბაზრო კაპიტალიზაცია გუშინ 24 მილიარდ დოლარს შეადგენდა. კვირის განმავლობაში ეთერიუმის მოგება 6%-ზე მეტი იყო, ხოლო თვის განმავლობაში დანაკარგი 15%-ია.
ეთერიუმის მსგავსად ბიტკოინის კურსიც შემცირდა. ბიტკოინის ფასმა 2%-იანი კლება განიცადა და ღირებულებამ 6.613 დოლარი შეადგინა. ბიტკოინის კურსი კვირის განმავლობაში 1.7%-ით არის შემცირებული, ხოლო თვის განმავლობაში ფასის მხოლოდ 1%-იანი კლება ფიქსირდება.
შეგახსენებთ, რომ CoinMarketCap-ის მონაცემების მიხედვით, 24 სექტემბერს კრიპტოვალუტების მთლიანი საბაზრო კაპიტალიზაცია დაახლოებით 219 მილიარდ დოლარს შეადგენდა.
