მალტის საფონდო ბირჟის fintech-ისა და ციფრული აქტივების შვილობილმა კომპანია MSX PLC- მ ხელი მოაწერა ურთიერთანამშრომლობის მემორანდუმს კრიპტოვალუტის ბირჟა Binance-თან.
ოფიციალურ პრეს-რელიზში საუბარია მალტის საფონდო ბირჟის 26 წლიან გამოცდილებაზე, ახალი ფინანსური ტექნოლოგიების ათვისებაზე, სავაჭრო პალტფორმებსა და ზოგადად ციფრულ ვალუტაზე.
ჯერ კიდევ რამდენიმე თვის წინ ადგილობრივი მედია იტყობინებოდა, რომ Binance-მა ბიზნესი მალტაში გააფართოვა. ამასთანავე, მალტა არის ქვეყანა, რომელიც კრიპტოვალუტებისა და Blockchain-ს მიმართ კეთილგანწყობით გამოირჩევა.
“მალტა აქტიური და გამჭვირვალე კრიპტო-რეგულაციების საშუალებით Blockchain ტექნოლოგიისთვის გლობალური ჰაბი გახდა. აღნიშნული პარტნიორობა კი Binance- სა და MSX-ს საშუალებას მისცემს გადაიტანონ ტრადიციული ფინანსური აქტივები Blockchain ტექნოლოგიაზე უსაფრთხო ტოკენების მეშვეობით”,-განაცხადა Binance-ის აღმასრულებელმა დირექტორმა Changpeng Zhao-მა.
მალტის საფონდო ბირჟის თავმჯდომარემ, ჯო პორტელიმ თავის მხრივ განაცხადა, რომ ინიციატივა წარმოადგენს ბაზრისთვის ახალი შესაძლებლობას.
შეგახსენებთ, რომ ივლისის თვეში Bloomberg-მა გამოაქვეყნა ინფორმაცია, რომლის მიხედვითაც, მსოფლიოში სიდიდით მეორე კრიპტოვალუტის ბირჟა Binance-ი Blockchain-ზე დაფუძნებული ბანკის შექმნას გეგმავდა.
