სოციალურ-ეკონომიკური ფაქტორებისა და წინააღმდეგობების მიუხედავად, აფრიკაში კრიპტოვალუტის მიღება იზრდება.
კრიპტოვალუტის ბირჟის KuCoin-ის ანგარიში აჩვენებს, რომ კრიპტო ტრანზაქციები 2022 წელს 2670%-მდე გაიზარდა.
აღნიშნული ზრდის გასაოცარი ტენდენცია კრიპტოვალუტების ბოლოდროინდელ ფასის ვარდნასთანაა დაკავშირებული. აფრიკაში კრიპტო ტრანზაქციების რაოდენობა გლობალური მოცულობის 2.8%-ს შეადგენს.
ჯონი ლიუმ, KuCoin-ის აღმასრულებელმა დირექტორმა, მედიასთან საუბრის დროს განაცხადა, რომ აფრიკაში ციფრული ვალუტების მიღება კიდევ გაიზრდება.
მან ასევე დასძინა, რომ აფრიკის ქვეყნებს კრიპტოვალუტის მიღების ყველაზე მაღალი მაჩვენებელი აქვთ მსოფლიოში.
ბიტკოინის სენეგალის ქსელის დამფუძნებელი – ნურუ, დარწმუნებულია, რომ ბიტკოინის მიღების ათასპროცენტიანი ზრდის ტემპი მომდევნო წლებშიც გაგრძელდება.
შეგახსენებთ, რომ აფრიკელების მიერ განხორციელებული კრიპტოვალუტის ტრანზაქციების 88.5%-ზე მეტი არის ტრანსსასაზღვრო გადარიცხვები. ეს უკანასკნელი კი აფრიკის კონტინენტისათვის უკიდურესად დაბალი გადარიცხვის საკომისიოთია გამოწვეული, რაც გადარიცხული თანხის 0,01%-ს შეადგენს.
