რუსული კრიპტოვალუტის ღონისძიების Blockchain Life and Listing.Help-ის დამფუძნებელი, სერგეი ხიტროვი VII Blockchain Life ფორუმზე სიტყვით გამოვიდა. ხიტროვის სიტყვა რუსეთში კრიპტოვალუტის რეგულირების მდგომარეობას შეეხებოდა.
კრიპტოვალუტის მაინინგთან დაკავშირებული ადგილობრივი ფულადი ნაკადების ჩათვლით, ხიტროვმა შეაფასა რუსული კრიპტო ბაზარი, რომლის ღირებულებაც 20-40 ტრილიონი რუბლია, რაც 280-550 მილიარდი დოლარის ექვივალენტია.
მან ასევე განაცხადა, რომ რუსულმა კრიპტო ბიზნესმა შეიძლება გამოიმუშავოს 284 მილიარდი რუბლის (4 მილიარდი დოლარი) ღირებულების გადასახადები წელიწადში, თუ რუსეთის მთავრობა ინდუსტრიისთვის უფრო კომფორტულ რეგულაციას უზრუნველყოფს.
“რუსეთის მარეგულირებლები აგრძელებენ ინდუსტრიის ინტერესების იგნორირებას. ადგილობრივ კრიპტო ბიზნესს კი სხვა არაფერი შეუძლია, გარდა იმისა, რომ არალეგალური ფუნქციონირება გააგრძელოს ან ქვეყნიდან წავიდეს. რეგულაციების გარეშე, კრიპტო სერვისები ლეგალურად არ იქნება მიწოდებული. ამჟამად კი, ბიზნესისთვის არ არის მომგებიანი ჩრდილიდან გამოსვლა”,- აღნიშნა მედიასთან ინტერვიუს დროს სერგეი ხიტროვმა.
აღმასრულებელმა ხელმძღვანელმა განაცხადა, რომ მას სჯერა რეგულაციის და კანონმდებლობის მიღების, რაც ციფრული ვალუტის ინდუსტრიას განვითარების საშუალებას მისცემს.
