პოპულარული სოციალური მედიის პლატფორმა Reddit–მა 4 მილიარდი აშშ დოლარი შეაგროვა. ექვსი თვის წინ კომპანიამ 250 მილიონი დოლარი შეაგროვა E სერიის დაფინანსებაში 6 მილიარდი დოლარის ღირებულებით.
ახლა კი Reddit–მა F სერიის დაფინანსების რაუნდი გამოაცხადა, რომელსაც Fidelity Management and Research Company ხელმძღვანელობდა. რაუნდი სავარაუდოდ დაახლოებით 700 მილიონზე დაიხურება, რაც საერთო მოცულობას კიდევ უფრო გაზრდის.
New York Times-ის მიერ გავრცელებული ინფორმაციის თანახმად, დაფინანსების რაუნდში ინვესტიციამ 410 მილიონ აშშ დოლარს მიაღწია, ხოლო Reddit-ი აცხადებს, რომ იგი არსებული ინვესტორების დამატებით დაფინანსებას 700 მილიონ აშშ დოლარამდე ელოდება.
ამ თემაზე, სტივ ჰაფმანმა, Reddit–ის თანადამფუძნებელმა და აღმასრულებელმა დირექტორმა Times–თან აღნიშნა:
”ჩვენ ჯერ კიდევ ვგეგმავთ საჯაროდ გამოცხადებას, მაგრამ ჯერჯერობით არ გვაქვს კონკრეტული ვადები”.
შეგახსენებთ, რომ ამერიკული სოციალური მედია, Reddit-ი 2005 წელს შეიქმნა. კომპანიის დამფუძნებელი ალექსის ოენიანი კი ციფრული ვალუტის სექტორის მიმართ პოზიტიური დამოკიდებულებით გამოირჩევა.
მისი თქმით, ბიტკოინსა და კრიპტოვალუტას აქვს პოტენციალი, რომ გახდეს “ახალი ინტერნეტი”, მაღალი არასტაბილურობის მიუხედავად.
