პარასკევს, 11 ივნისს ციფრული ვალუტის ბაზარი მეტ-ნაკლებად სტაბილურობას ინარჩუნებდა. დღის განმავლობაში კრიპტოვალუტის ფასების დრამატული დაცემა არ დაიფიქსირებულა.
ანალიტიკოსების თქმით, ბოლო ორი დღეა ბიტკოინი 36.000 დოლარის ნიშნულს მყარად ინარჩუნებს. ანალიტიკოსების აზრით, მოსალოდნელია, რომ ფასის მატების შემთხვევაში ბიტკოინის კურსი 40.000 დოლარი გახდეს. თუმცა, მანამდე, საჭიროა, რომ კრიპტოვალუტამ 38.000 დოლარის დონეს მიაღწიოს.
ბიტკოინის ფასის კლების ტენდენციის დაფიქსირებისას კი, მოსალოდნელი დონე 30.000 დოლარია.
დღის განმავლობაში კრიპტოვალუტის კურსი დაახლოები 3%-ით გაიზარდა და 37.300 დოლარის ნიშნულს მიაღწია. კვირის განმავლობაში კურსის შემცირების მაჩვენებელიც ოდნავ გაუმჯობესდა.
ბოლო შვიდი დღის მანძილზე ბიტკოინის ფასი დაახლოებით 1%-ით არის მომატებული.
ამ ეტაპზე, ბიტკოინის ბაზარზე დომინირების მაჩვენებელი 44.6% შეადგენს.
შეგახსენებთ, რომ CoinMarketCap-ის მონაცემების თანახმად, 11 ივნისს ბიტკოინის საბაზრო კაპიტალიზაცია დაახლოებით 669 მილიარდ დოლარს შეადგენდა.
