პარასკევს, 7 მაისს ციფრული ვალუტის ბაზარი წინა დღესთან შედარებით მნიშვნელოვნად არ შეცვლილა.
დღეს ბიტკოინის ფასი 57.300 დოლარის ფარგლებში მოძრაობდა. დღის განმავლობაში ციფრული ვალუტის ფასი მხოლოდ 0.32%-ით შემცირდა.
ანალიტიკოსების თქმით, ბიტკოინის მომდევნო დონე 57.500 დოლარი უნდა გახდეს. წინააღმდეგ შემთხვევაში კრიპტოვალუტა კვლავ 55.000-სა და 56.000 დოლარის ფარგლებში დაიწყებს მოძრაობას.
უნდა აღინიშნოს, რომ კვირის განმავლობაში ბიტკოინის ფასის ზრდის მაჩვენებელი 3.24%-ია.
ამ ეტაპზე ბიტკოინის ბაზარზე დომინირება კი 44%-ია.
რაც შეეხება ეთერიუმის: ეთერიუმის ფასი 3.500 დოლარის ფარგლებში მერყეობს. ბოლო 24 საათის განმავლობაში კი კრიპტოვალუტის კურსი 9.45%-ით გაიზარდა.
უნდა აღინიშნოს, რომ ბოლო 7 დღის განმავლობაში ეთერიუმს ერთ-ერთი ყველაზე დიდი მოგება აქვს, რომელიც 38.7%-ს შეადგენს.
შეგახსენებთ, რომ CoinMarketCap-ის მონაცემების თანახმად, 7 მაისს კრიპტოვალუტების მთლიანი საბაზრო კაპიტალიზაცია დაახლოებით 2 ტრილიონ 488 მილიარდ დოლარს შეადგენდა.
