ხუთშაბათს, 15 მარტს ბიტკოინი 8.000, ხოლო ეთერიუმი 600 დოლარის ფარგლებში მერყეობდა. კრიზისი, სავარაუდოდ Google-ის ფინანსური პოლიტიკის ცვლილებამ გამოიწვია. Google-ის განცხადების თანახმად, 2018 წლის ივნისში ყველა კრიპტოვალუტის რეკლამა აიკრძალება.
coinmarketcap-ის მონაცემების თანახმად, ეთერიუმის ფასი 15 მარტს 604 დოლარი იყო. კაპიტალიზაციამ კი, 59.394 მილიარდი შეადგინა. ბოლო პერიოდში ეთერიუმის კურსი 700 დოლარზე ქვემოთ 5 თებერვალს ჩამოვიდა, როცა 1 ეთერიუმი 695 დოლარი ღირდა.
როგორც ჩანს, ლაიტკოინიც არ იმყოფება შესაშურ მდგომარეობაში. 24 საათის განმავლობაში ლაიტკოინის ფასმა 3%-ით დაიწია. ხუთშაბათს ლაიტკოინის ღირებულება 162 დოლარი შეადგინა, ხოლო კაპიტალიზაციამ 9 მილიარდი დოლარი.
რაც შეეხება ბიტკოინ Cash-ს: გუშინ, 1 ბიტკოინ Cash-ი 923 დოლარი ღირდა, კაპიტალიზაციამ კი, 15 მილიარდს გადააჭარბა.
მიუხედავად Google-ის მხრიდან ასეთი ნაბიჯისა, რამაც გარკვეულწილად, კრიპტოვალუტის ფასის დაცემა გამოიწვია, ამ კვირაში პოზიტიური მოვლენებიც მოხდა.
მობილურმა აპლიკაციამ Square Cash-მა ბიტკოინის ყიდვისა და გაყიდვის სერვისი დაამატა.
კომპანია Circle-მა განაცხადა, რომ კრიპტოვალუტის საინვესტიციო აპლიკაციას-Circle Invest-ს ქმნის, რომელიც ამერიკის 46 შტატში იქნება ხელმისაწვდომი. Circle-მა ასევე აღნიშნა, რომ კომპანია BitLicense-სს დაუკავშირდება, რათა აპლიკაციის მიღება ნიუ-იორკერებმაც შეძლონ.
გუშინ, 14 მარტს, სენატში მოსმენა კრიპტოვალუტის შესახებ მიმდინარეობდა, სადაც Coinbase-ის იურიდიული და რისკების მართვის სამსახურის ხელმძღვანელმა განაცხადა, რომ აშშ-ს მიერ დაწესებული ამჟამინდელი რეგულაციები ტექნოლოგიური ინოვაციებს ზიანს აყენებს.
სულ ბოლოს კი, შეგახსენებთ, რომ კრიპტოვალუტის მიღების მზაობა Playboy-მ გამოთქვა. კომპანიამ განაცხადა, რომ კრიპტოვალუტის ონლაინ გადახდის საფულეს ქმნის.
