ბოლოდროინდელი გამოკვლევის შედეგად, შვედეთის ცენტრალურმა ბანკმა წარმოადგინა ციფრული ვალუტის საპილოტე ვერსიის პირველი შედეგები, რომელიც დაფუძნებულია R3–ის Corda Blockchain-ზე.
აღნიშნული ციფრული პროექტის საპილოტე პროგრამის დასრულების შემდეგ Sveriges Riksbank-მა აღმოაჩინა გარკვეული ხარვეზები ქსელში, რომლის გამოწორების გარეშეც შვედური ციფრული კრონა ვერ იფუნციონირებს ისე, როგორც საჭიროა.
ცენტრალურმა ბანკმა მოახდინა პოტენციური სტაბილკოინის სისტემის ძირითადი ასპექტების სიმულაცია. ბანკმა ასევე მონაწილეების, მომხმარებლებისა და გადახდის ინსტრუმენტების სიმულაციაც შეძლო. ბანკის წარმომადგენლებმა განაცხადეს, რომ ახალი სტაბილკოინის ტექნოლოგია საჭიროებს შემდგომ გამოკვლევას, რომლის მასშტაბურობა წარმოადგენს მნიშვნელოვან პრობლემას.
”ელექტრონული კრონის პილოტის პირველ ფაზაში ტესტირებულმა გადაწყვეტამ დააკმაყოფილა სახელმწიფო შესყიდვების შესრულების მოთხოვნები. მაგრამ ეს მოხდა შეზღუდულ საცდელ გარემოში. ამიტომ საჭიროა ახალი ტექნოლოგიის შესაძლებლობების მართვა და საცალო გადასახადების ფართომასშტაბიანი გამოკვლევა და ტესტირება. ”- აღნიშნულია ქვეყნის ცენტრალური ბანკის განცხადებაში.
შეგახსენებთ, რომ შვედეთმა ციფრული კრონის სრული საპილოტე ვერსიის შემუშავება 2022 წლამდე უნდა დაასრულოს.
