ბოლო დროს ციფრული ვალუტის არაერთი ბირჟა გამოთქვამს უკმაყოფილებას უსაფრთხოების პროგრამის KYC-ს (“იცნობდე შენს მომხმარებელს”) მიმართ.
იმის გათვალისწინებით, თუ რა დონის სერიოზულობით ეკიდებიან კრიპტოვალუტის ბირჟები ფინანსურ კომპანიებსა და Wall Street-ს, კრიპტობირჟა EXMO ამტკიცებს, რომ რეგულაცია გადამწყვეტი ნაბიჯია კრიპტო სექტორისა და ტრადიციული ფინანსური ინსტიტუტების თანასწორობის მიღწევის საკითხში.
ბირჟის წარმომადგენლები აცხადებენ, რომ კომპანიამ კვლევა ჩაატარა 1,529 მოვაჭრეს შორის, რათა გაერკვია, თუ რა აწუხებთ მათ ყველაზე მეტად უსაფრთხოების პროცედურების მიღებამდე.
უსაფრთხოების საკითხი კი ძირითადად ორ პარამეტრს მოიცავს. ესენია: “იცნობდე შენს მომხმარებელს” და ფულის გათეთრების წინააღმდეგ ზომების მიღება.
EXMO–ს კვლევის თანახმად, გამოკითხულთა 76% შიშობდა, რომ მათი დოკუმენტები შესაძლოა, ბირჟას ვაჭრობისთვის შეუსაბამოდ მიეჩნია. 91% –მა თქვა, რომ თავს უხერხულად გრძნობს, როდესაც მათ უკავშირდებიან ბირჟის სახელით და სთხოვენ დაადასტურონ სახსრების წარმოშობა, ხოლო 11% –მა აღნიშნა, რომ მათ უბრალოდ არ მოსწონთ ეს პროცედურები, რომელიც მომხმარებლისგან გარკვეულ დროსა და ენერგიას მოითხოვს.
უახლოეს თვეებში რეგულაციის შესახებ დისკუსიების გააქტიურებით, პლატფორმა იმედოვნებს, რომ კრიპტო საზოგადოება დაიწყებს ამ ზომების დადებითად და არა, უარყოფითად შეფასებას.
