მედიის მიერ გავრცელებული ინფორმაციის თანახმად, სამხრეთ კორეის კრიპტოვალუტის ყველაზე დიდ ბირჟას, Bithumb-ს პოლიციის მხრიდან არაერთი ჩხრეკა ემუქრება.
სეულის პოლიციის სააგენტომ 7 სექტემბერს დამატებითი ჩხრეკა ციფრული ვალუტის ბირჟის მთავარ ოფისში ჩაატარა.
პოლიციის ოფიციალურმა წარმომადგენელმა განაცხადა, რომ უკანასკნელი გამოძიება მიზნად ისახავს დამატებითი სამხილების მოპოვებას.
ადგილობრივი გამოცემის Seoul Shinmun-ის ინფორმაციის თანახმად, სეულის პოლიციის სააგენტოს სადაზვერვო დანაშაულის განყოფილებამ 2 სექტემბერს Bithumb-ის ოფისი პირველად გაჩხრიკა.
როგორც ცნობილია, უკანასკნელი შემოწმებები დაკავშირებულია პოლიციის მიმდინარე გამოძიებასთან. გამოძიება კი, სავარაუდო ფინანსური თაღლითობის შესახებ არის დაწყებული.
გამოძიების ცნობით, კრიპტოვალუტის ბირჟის ერთ-ერთ მომხმარებელს 25 მილიონი დოლარის ზარალი მიადგა.
შეგახსენებთ რომ, 2018 წელს Bithumb-ი ჰაკერების თავდასხმის მსხვერპლი გახდა. გავრცელდა ინფორმაცია, რომ ჰაკერებმა ბირჟიდან 30 000 000 დოლარის ღირებულების კრიპტოვალუტა მოიპარეს.
ამ ფაქტის შემდეგ სამხრეთ კორეის მეცნიერებისა და ტექნოლოგიის სამინისტრომ გამოძიება დაიწყო.
