ორშაბათს, 25 მარტს კრიპტოვალუტების ბაზარი სტაბილურობას ინარჩუნებდა. დღის განმავლობაში არ დაფიქსირებულა ფასების არც მკვეთრი მატება და არც ვარდნა.
მთელი დღის განმავლობაში ბიტკოინის ფასის ნიშნული სტაბილურად გამოიყურებოდა. კრიპტოვალუტის ფასი მხოლოდ 0.2%-ით შემცირდა. კაპიტალიზაციით ყველაზე დიდი კრიპტოვალუტა 4.020 აშშ დოლარის ფარგლებში მერყეობდა.
უაკანასკნელი 7 დღის განმავლობაში ბიტკოინის ფასმა მხოლოდ 0.1%-ით დაიკლო. ბიტკოინის დომინირება ბაზარზე დაახლოებით 50.7%-ს შეადგენს.
რაც შეეხება კაპიტალიზაციით მეორე უდიდეს კრიპტოვალუტას, ეთერიუმს: ეთერიუმის საბაზრო კაპიტალიზაცია დაახლოებოთ 0.6%-ით შემცირდა. 25 მარტს ეთერიუმის ფასი 136 დოლარის ფარგლებში მერყეობდა.
ამასთანავე, უნდა აღინიშნოს, რომ უკანასკნელი ერთი კვირის განმავლობაში ეთერიუმის ფასის ნიშნული დაახლოებით 1.8%-ით შემცირდა.
შეგახსენებთ, რომ CoinMarketCap-ის მონაცემების თანახმად, 25 მარტს კრიპტოვალუტების მთლიანი საბაზრო კაპიტალიზაცია დაახლოებით 140 მილიარდ დოლარს შეადგენდა.
