ორშაბათს, 21 ივნისს კრიპტოვალუტების ბაზარი მკვეთრად შემცირდა.
დღის განმავლობაში დაფიქსირდა ფასების შემცირების ტენდენცია, რომელიც 0.07%-დან 20%-მდე მერყეობდა.
დღეს ბიტკოინის ფასმა 32.000 დოლარის დონემდე დაიკლო. უნდა აღინიშნოს, რომ ბიტკოინის ფასი უკანასკნელი 24 საათის განმავლობაში დაახლოებით 10%-ით შემცირდა.
ბაზარზე ბიტკოინისა და ეთერიუმის დომინანტურობის მაჩვენებლები ასე გამოიყურება: 45,9% და 16,9%.
რაც შეეხება ეთერიუმს: 21 ივნისს ეთერიუმის კურსი 2.000 დოლარის ნიშნულს ჩამოსცდა. დღის განმავლობაში ალტკოინის ფასი 13.41%-ით შემცირდა.
უნდა აღინიშნოს, რომ ეთერიუმის ფასმა დაახლოებით 2.246 დოლარიდან დაიწყო კურსის შემცირება. დღის ბოლოს ეთერიუმზე ვაჭრობა კი 1.920 დოლარის ფარგლებში მიმდინარეობდა.
შეგახსენებთ, რომ CoinMarketCap-ის მონაცემების თანახმად, 21 ივნისს, დღის ბოლოს, კრიპტოვალუტების მთლიანი საბაზრო კაპიტალიზაცია დაახლოებით ტრილიონ 322 მილიარდ დოლარს შეადგენდა.
