24 თებერვალს დაფიქსირებული ფასების მცირე მიმოხილვა

0
557

კვირას, 24 თებერვალს კრიპტოვალუტის ბაზარი მკვეთრ ცვლილებებს განიცდიდა. გუშინ დაფიქსირებული ფასების მატების შემდეგ ციფრული ვალუტების კურსი შემცირდა.

ბიტკოინის ფასი 4.150 დოლარის ნიშნულს ჩამოსცდა და 3.900 დოლარის ფარგლებში დაიწყო მოძრაობა.

CoinMarketCap-ის მონაცემებით, 24 საათის განმავლობაში ბიტკოინის კურსი 5%-ით შემცირდა. თუმცა ეს მაჩვენებელი კვირის დასაწყისში დაფიქსირებულ კურსზე მაღალია.

რაც შეეხება ეთერიუმს: ალტკოინის კაპიტალიზაცია 14.5 მილიარდ დოლარს შეადგენს. ეთერიუმის მომდევნო კრიპტოვალუტა რიპლია, რომლის კაპიტალიზაციის მაჩვენებელი 12.4 მილიარდი დოლარია.

ეთერიუმის ფასმა მძიმე დანაკარგები ბოლო 24 საათის განმავლობაში განიცადა. ალტკოინის კურსი თითქმის 9%-ით შემცირდა. ეთერიუმის ფასი 148 დოლარიდან 139 დოლარამდე დაეცა.

უნდა აღინიშნოს, რომ კვირის დასაწყისში ეთერიუმმა ფასის ზრდა 126 დოლარიდან დაიწყო.

შეგახსენებთ, რომ CoinMarketCap-ის მონაცემების თანახმად, 24 თებერვალს კრიპტოვალუტების მთლიანი საბაზრო კაპიტალიზაცია დაახლოებით 128 მილიარდ დოლარს შეადგენდა.

დატოვეთ კომენტარი

კომენტარი